ស្ថិតនៅសាលប្រជុំសាកលវិទ្យាល័យភូមិន្ទភ្នំពេញ នាថ្ងែអង្គារ ទី២៦ ខែមីនា ឆ្នាំ២០២៤ វេលាម៉ោង៨:០០នាទី ឯកឧត្តម ម៉ាន់ ឈឿន បានចូលរួមអមដំណើរជាមួយ ឯកឧត្តម កិត្តិនីតិកោសលបណ្ឌិត ម៉ុម ជឹមហ៊ុយ ប្រធានគណកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៌ នៃព្រឹទ្ធសភា ជួបជាមួយ ឯកឧត្តមបណ្ឌិតសាស្ត្រាចារ្យ ជេត ជាលី សាកលវិទ្យាធិការ នៃសាកលវិទ្យាល័យភូមិន្ទភ្នំពេញ ដើម្បីពិភាក្សា និងផ្តល់នូវទស្សនទានជាធាតុចូលដ៏មានសារសំខាន់ៗជួយដល់ក្រុមការងារស្រាវជ្រាវរៀបរៀងសៀវភៅអាន ដែលមានចំណងជើងថា “យុវជន និងមាគ៌ានៃស្វ័យាភិវឌ្ឍន៍តាមទស្សនវិស័យព្រះពុទ្ធសាសនា” គឺពិតជាបានរួមចំណែកជាជំនួយស្មារតីក្នុងការកសាងធនធានមូលធនមនុស្សប្រកបដោយសក្តានុពលពេញលេញ ដើម្បីអភិវឌ្ឍប្រទេសជាតិ។ ឯកឧត្តមប្រធាន បានសម្តែងការកោតសរសើរ និងលើកទឹកចិត្តដល់ក្រុមការងារស្រាវជ្រាវ សូមបន្តរួមចំណែកបង្កើនស្នាដៃជាអត្ថបទសម្រាប់អំណានថ្មីៗបន្ថែមទៀត ដើម្បីទុកជាមរតកដ៏ថ្លៃថ្លាសម្រាប់មនុស្សជំនាន់ក្រោយ។